checkurl.uz

Havola va fayl tekshiruvi

Ochishdan oldin tekshiring.

SMS, messenjer yoki eʼlonlar sayti orqali kelgan shubhali havolani shu yerga qoʻying. Uni 70 dan ortiq antivirus va bloklist bazasida tekshirib, natijani tushunarli qilib beramiz.

70+antivirus va bloklist
0 soʻmroʻyxatdan oʻtishsiz
3til: oʻzbek, rus, ingliz
Tekshiruv № 0001
/ tezkor fokus

Soʻnggi tekshiruvlar · Faqat shu brauzerda saqlanadi

Hali tekshiruv yoʻq. Natijalar shu yerda paydo boʻladi.

01 — Qanday ishlaydi

Uch qadam, hammasi ochiq

Biz oʻz antivirusimiz bor deb daʼvo qilmaymiz. Ogʻir ishni VirusTotal bajaradi, biz esa natijani tushunarli qilib, firibgarlik belgilarini koʻrsatib beramiz.

01

Havolani oʻqiymiz

Yozishingiz bilan havolani brauzerning oʻzida qismlarga ajratamiz: asosiy domen, subdomenlar, @ belgisi, IP-manzil, boshqa alifbo harflari. Bu bosqichda hech narsa serverga yuborilmaydi.

02

70+ bazadan soʻraymiz

Havola yoki faylning raqamli izi VirusTotalʼga yuboriladi. U Kaspersky, ESET, Google Safe Browsing kabi 70 dan ortiq antivirus va bloklist javobini qaytaradi. Yangi havola boʻlsa, navbatga qoʻyiladi.

03

Xulosani tushuntiramiz

Har bir antivirus javobini, tahlil sanasini va yakuniy manzilni koʻrsatamiz. Natija eski boʻlsa, ogohlantiramiz va qayta tahlil qilishni taklif qilamiz.

Tekshiruvlar VirusTotal (Googleʼga tegishli) orqali bajariladi. Hech bir xizmat 100% kafolat bermaydi: juda yangi fishing saytlarni antiviruslar hali bilmasligi mumkin. Shubha boʻlsa — ochmang. Qanday ishlaydi →

02 — Mashq

Soxta havolani taniy olasizmi?

Oltita holat, har birida bitta haqiqiy havola. Firibgarlar aynan shu usullardan foydalanadi.

Qoʻllanma

03 — Savollar

Koʻp beriladigan savollar

Javobini topmadingizmi? Bizga yozing.

Savol berish
01CheckUrl qanday ishlaydi?

Havolani yoki faylning raqamli izini VirusTotalʼga yuboramiz. VirusTotal uni 70 dan ortiq antivirus va bloklist bilan solishtiradi, biz esa natijani tushunarli tilda koʻrsatamiz. Bundan tashqari, havolaning oʻzini brauzeringizda tahlil qilib, firibgarlar ishlatadigan usullarni belgilaymiz: @ belgisi, oʻxshash harflar, ortiqcha subdomenlar.

02«Xavf topilmadi» degani sayt 100% xavfsiz degani-mi?

Yoʻq. Bu antiviruslar hozircha bu havolada xavf bilmasligini anglatadi. Fishing saytlar har kuni yangidan ochiladi va dastlabki soatlarda hech qaysi bazada boʻlmasligi mumkin. Shuning uchun natija «toza» boʻlsa ham, parol yoki karta maʼlumotini kiritishdan oldin asosiy domenni tekshiring.

03Nega baʼzan natija kechikadi yoki «Navbatda» deb turadi?

Agar VirusTotal havolani ilgari koʻrmagan boʻlsa, u yangi tahlil uchun navbatga qoʻyiladi — odatda 30 soniyadan 2 daqiqagacha. Bundan tashqari, bepul VirusTotal kaliti daqiqasiga atigi 4 ta soʻrovga ruxsat beradi. Limit toʻlsa, sayt kutib turadi va oʻzi davom ettiradi. Sahifani yopib qoʻysangiz ham, natijani keyinroq «Soʻnggi tekshiruvlar» roʻyxatidan ochishingiz mumkin.

04«Shubhali» va «Xavfli» oʻrtasida qanday farq bor?

«Xavfli» — kamida ikkita antivirus havola yoki faylni zararli deb topgan. «Shubhali» — bitta antivirus xavf topgan yoki baʼzilari uni shubhali deb belgilagan. Bitta antivirusning javobi baʼzan xato boʻladi, lekin ehtiyot boʻlish uchun bu ham yetarli sabab. Har bir antivirus javobini hisobotning pastki qismida koʻrishingiz mumkin.

05Yuklagan fayllarimni kim koʻradi?

Avval faqat faylning raqamli izi (SHA-256) yuboriladi — faylning oʻzi qurilmangizda qoladi. Agar VirusTotal bu faylni bilmasa, fayl tahlil uchun yuklanadi. VirusTotalʼga yuklangan fayllar xavfsizlik mutaxassislari va antivirus kompaniyalariga ochiq boʻladi. Shuning uchun pasport nusxasi, shartnoma yoki boshqa shaxsiy hujjatlarni yuklamang.

06Qanday fayllarni tekshirish mumkin?

Istalgan turdagi faylni: .apk, .exe, .pdf, .docx, arxivlar va boshqalar. Saytda VirusTotal bilmagan faylni 4 MB gacha yuklash mumkin, Telegram botda — 5 MB gacha. Kattaroq fayllarni raqamli iz boʻyicha tekshiramiz: agar VirusTotal ularni ilgari koʻrgan boʻlsa, natija darhol chiqadi.

07Maʼlumotlarimni saqlaysizmi?

Biz tekshirilgan havola yoki fayllar bazasini yuritmaymiz va sizni kuzatmaymiz: saytda reklama ham, kuzatuv skriptlari ham yoʻq. «Soʻnggi tekshiruvlar» roʻyxati faqat sizning brauzeringizda saqlanadi va «Tozalash» tugmasi bilan oʻchiriladi. Tekshiruv uchun havola yoki fayl VirusTotalʼga yuboriladi va u yerda VirusTotal qoidalari asosida saqlanadi.

08Havola xavfli chiqdi. Endi nima qilay?

Ochmang va hech kimga yubormang. Agar havola tanishingizdan kelgan boʻlsa, uning hisobi buzilgan boʻlishi mumkin — uni boshqa yoʻl bilan, masalan, qoʻngʻiroq qilib ogohlantiring. Havolani bizga Aloqa sahifasi orqali yuborsangiz, boshqalarni ogohlantirishga yordam berasiz.

09Havolani ochib qoʻydim. Xavotirlanishim kerakmi?

Sahifani ochishning oʻzi odatda zarar keltirmaydi — xavf biror narsa kiritganingizda yoki yuklab olib ishga tushirganingizda boshlanadi. Parol kiritgan boʻlsangiz, uni almashtiring; karta maʼlumoti yoki SMS kodni kiritgan boʻlsangiz, darhol bankka qoʻngʻiroq qiling. Batafsil roʻyxat «Mashq» boʻlimi yonida turibdi.

10Qisqartirilgan havolalarni (bit.ly va boshqalar) tekshirsa boʻladimi?

Ha. VirusTotal havola qayerga olib borishini kuzatadi, hisobotda esa «Yakuniy manzil» koʻrsatiladi. Agar yakuniy manzil siz kutgan sayt boʻlmasa — ochmang.

11Natija notoʻgʻri chiqdi deb oʻylayman.

Antiviruslar baʼzan xato qiladi — ayniqsa yangi yoki kam tanilgan saytlarda. Hisobotdagi «Hozir qayta tahlil qilish» tugmasini bosing: VirusTotal havolani yangidan tekshiradi. Agar sayt sizniki boʻlsa va u notoʻgʻri belgilangan boʻlsa, oʻsha antivirus kompaniyasiga murojaat qiling yoki bizga yozing — qanday qilishni aytib beramiz.

12Xizmat bepulmi? Telegram botning farqi nimada?

Ha, hammasi bepul va roʻyxatdan oʻtish talab qilinmaydi. @checkurluzbot xuddi shu tekshiruvni chatning oʻzida bajaradi: havola yoki faylni yuboring, natija javob sifatida keladi. Saytda esa batafsilroq hisobot, havola tuzilishi tahlili va tekshiruvlar tarixi bor.

Telegram bot

Havolani chatdan chiqmasdan tekshiring

@checkurluzbot ga havola yoki fayl yuboring yoki shubhali xabarni unga forward qiling. Javob bir necha soniyada keladi.

Botni ochish